ਸ਼ਬਦ ਚਾਨਣੀ---ਨਿਰਮਲ ਦੱਤ
.jpg) |
ਦੋਹੇ
ਇੱਕ ਅਦਭੁਤ ਤਰਤੀਬ ਹੈ ਰਚਨਾ, ਮੇਰੇ ਮੀਤ!
ਖਾਲ਼ੀ ਜਿਹੀ ਖ਼ਲਾਅ ਬਣੇਂ ਜੀਵਨ, ਚੁੰਮਣ, ਗੀਤ.
ਭੜਕ ਗਈ ਹੈ ਭੁੱਖ ਤੇਰੀ, ਦੱਸ ਕੋਈ ਕੀ ਕਹੇ,
ਰੁੱਤਾਂ ਬੇ-ਰੁੱਤ ਹੋ ਰਹੀਆਂ, ਮੌਸਮ ਬਿਗੜ ਰਹੇ.
ਜੇ ਤੂੰ ਭੜਕੀ ਭੁੱਖ ਦਾ ਕਰਨਾ ਨਹੀਂ ਧਿਆਨ,
ਡੁੱਬ ਜਾਣਾਂ ਇਸ ਧਰਤ ਨੇ, ਡਿੱਗ ਪੈਣਾਂ ਅਸਮਾਨ.
ਜਦ ਤੂੰ ਲਾਲਚ ਤੋਰਿਆ, ਡਰ ਵੀ ਨਾਲ ਗਿਆ,
ਚੱਲ ਹੁਣ ਥੋੜ੍ਹਾ ਹੱਸ ਤੂੰ, ਚੱਲ ਹੁਣ ਥੋੜ੍ਹਾ ਗਾ.
ਕਾਜ਼ੀ ਬੇ-ਈਮਾਨ ਹੈ, ਸਭ ਬਦਕਾਰ ਗਵਾਹ,
ਸੱਤ-ਰੰਗੀ ਇੱਕ ਪੀਂਘ ਦਾ ਸੋਕੇ ਨਾਲ਼ ਨਿਕਾਹ.
ਨਜ਼ਮਾਂ
.jpg)
ਵਿਸ਼ਵਾਸ
ਮੇਰੇ ਬੱਚੇ,
ਮੇਰਾ ਅਹਿਸਾਸ ਹੈ
ਆਜ਼ਾਦ ਉਨ੍ਹਾਂ ਦੋਸ਼ਾਂ ਤੋਂ
ਜੋ ਕਿ
ਮਹਿਲਾਂ ਦੀ ਅਯਾਸ਼ੀ 'ਚੋਂ ਜਨਮ ਲੈਂਦੇ ਨੇ,
ਇਸ ਲਈ ਮੇਰੇ ਲਈ
ਜ਼ਿੰਦਗੀ
ਰੋਗ, ਬੁਢਾਪਾ ਜਾਂ ਸਿਰਫ਼ ਮੌਤ ਨਹੀਂ
ਜ਼ਿੰਦਗੀ ਸੁੱਖ ਵੀ ਹੈ ਯਾਰ ਦੀ ਬੁੱਕਲ ਵਰਗਾ ;
ਵੇਖ,
ਇਸ ਧਰਤੀ 'ਤੇ
ਦੁਖਦਿਆਂ ਬੋਲਾਂ ਲਈ
ਸਿਹਤਮੰਦ ਸ਼ਬਦ ਸਹਾਰਾ ਬਣਦੇ,
ਬਿਰਧ ਨੈਣਾਂ ਦੀ ਮੁੱਕ ਰਹੀ ਜੋਤੀ
ਜਵਾਨ ਅੱਖਾਂ ਦੇ ਚਾਨਣ ਦੇ ਨਾਲ ਜਗਮਗ ਹੈ,
ਤੇ ਵੈਣ ਦੇ ਸਿਰ 'ਤੇ
ਗੀਤ ਮਸਤੀ 'ਚ ਨਿਰਤ ਕਰਦਾ ਹੈ;
ਮੇਰੇ ਬੱਚੇ,
ਮੈਂ ਨਹੀਂ ਮੰਨਦਾ
ਕਿ ਤੂੰ ਮੇਰੇ ਲਈ "ਰਾਹੁਲ" ਹੈਂ
ਤੂੰ ਹੈਂ ਜੀਵਨ ਪ੍ਰਤੀ "ਵਿਸ਼ਵਾਸ" ਮੇਰਾ.
ਮੈਂ
ਮੈਂ ਕੋਈ ਐਸਾ ਸਿੱਕਾ ਨਹੀਂ ਹਾਂ
ਜੋ ਇੱਕ ਪਲ ਵਿੱਚ
ਬਿਨਾਂ ਦੋਸ਼ ਤੋਂ
ਇੱਕ ਕੀਮਤੀ ਬਟੂਏ ਵਿੱਚੋਂ
ਇੱਕ ਭਿਖਾਰੀ ਦੇ ਹੱਥਾਂ ਵਿੱਚ ਸੁੱਟਿਆ ਜਾਵੇ;
ਮੈਂ ਸੂਈ ਦੀ ਨੋਕ ਤੋਂ ਨਿੱਕਾ
ਓਹ ਬਿੰਦੂ ਹਾਂ
ਜੋ ਜਦ ਚਾਹਵੇ
ਇੱਕ ਪੂਰੀ ਸ੍ਰਿਸ਼ਟੀ ਬਣ ਜਾਵੇ.
ਸੰਪਰਕ –
#3060, 47-ਡੀ,
ਚੰਡੀਗੜ੍ਹ।
ਮੋਬਾਈਲ -98760-13060
Contact –
Nirmal Datt
# 3060, 47-D,
Chandigarh.
Mobile-98760-13060
.jpg&description=ਦੋਹੇ ਅਤੇ ਦੋ ਨਜ਼ਮਾਂ ){kind=link}
1 Comments
ਨਿਰਮਲ ਦਤ ਦੇ ਦੋਹੇ ਅਤੇ ਕਵਿਤਾ ਜਿੰਦਗੇ ਦੇ ਬਹੁਤ ਨੇੜੇ।ਵਾਰ ਵਾਰ ਪੜ੍ਹਨ ਵਾਲੇ।
ReplyDeleteਗਿਆਨ ਸਿੰਘ
9350035443
ਦੋਸਤੋ ਅਗਰ ਰਚਨਾ ਪਸੰਦ ਆਈ ਤਾਂ ਆਪਣੇ ਵਿਚਾਰ ਕਮੈਂਟ ਬਾਕਸ ਵਿੱਚ ਜ਼ਰੂਰ ਲਿਖੋ। ਕਮੈਂਟ ਦੇ ਨਾਲ ਆਪਣਾ ਨਾਮ ਪਤਾ ਵੀ ਜ਼ਰੂਰ ਲਿਖੋ ਜੀ।ਇਸ ਪੋਸਟ ਨੂੰ ਤੁਸੀਂ ਆਪਣੇ ਸ਼ੋਸਲ ਮੀਡੀਆ ਅਕਾਊਂਟ 'ਤੇ ਸ਼ੇਅਰ ਵੀ ਕਰ ਸਕਦੇ ਹੋ।ਸ਼ੇਅਰ ਕਰਨ ਲਈ ਇੱਥੇ ਦਿਖਾਈ ਦੇ ਰਹੇ ਸ਼ੋਸਲ ਮੀਡੀਆ ਦੇ ਉਸ ਚਿੰਨ ਉੱਪਰ ਕਲਿੱਕ ਕਰੋ ਜਿਸ ਉੱਪਰ ਤੁਸੀਂ ਪੋਸਟ ਨੂੰ ਸ਼ੇਅਰ ਕਰਨਾ ਹੈ। ਉਸ ਤੋਂ ਬਾਅਦ ਸ਼ੇਅਰ ਕਰ ਦਿਓ।
Friends, if you like the article/story/poetry, then write your thoughts in the comment box. Please write your name and address along with the comment. You can also share this post on your social media account. To share, click on the social media icon on which you want to share the post. After that share it.